Osteópatía getur hjálpað við flest þau vandamál sem stafa frá lið- og vöðvakerfi líkamans. Nokkur dæmi um það eru:
- Bakverkir, með eða án leiðandi verkja.
- Hálsverkir
- Verkur eða stífleiki í liðamótum (t.d. öxlum, mjöðmum, olnbogum og hnjám)
- Gigtarverkir og vefjagigt
- Íþróttameiðsl
- Leiðandi verkir út í hendur eða fætur
- Höfuðverkir, mígreni, svimi og fleira ef upptök eru frá stoðkerfi
- Bráða sem króníska verki
- Kviðverkir og grindaverkir
- Verkir á meðgöngu
Osteópatía er fyrir unga sem aldna, íþrótta- og skrifstofufólk.
Sjúklingar sem leita til osteópata gera það yfirleitt vegna stoðkerfiskvilla, svo sem verkja í mjóbaki og hálsi. Osteópatísk meðferð við kvillum sem ekki tengjast stoðkerfi, eins og meltingarvandamálum, höfuðverk, öndunarfærasjúkdómum og kynbundnum heilsuvandamálum, á sér stað í um það bil 1–15% tilvika.
Auk stoðkerfisvandamála vinna osteópatar einnig oft með kvilla sem tengjast meltingu, blóðrás, taugakerfi, heilsu kvenna, ungbarnavandamál og öðrum vandamálum sem falla innan viðurkennds sviðs osteópatíu.
Osteópatar nota handvirkar meðferðaraðferðir byggðar á osteópatískum meðferðarlíkönum, ásamt öðrum nálgunum í umönnun sjúklinga (til dæmis fræðslu og hvatningu til hreyfingar, stuðningi við sjálfsumönnun og ráðgjöf um líðan og lífsstíl). Osteópatar geta greint vandamál fólksins og eru færir í forgangsmati og mati á því hvenær á að vísa fólki til annarra aðila í heilbrigðisgeiranum. Algengustu greiningaraðferðirnar eru sjúkrasaga, klínísk skoðun og prófanir, ásamt þreifingu á eymslum, uppbyggingu vefja líkamans og hreyfigetu. Algengustu meðferðaraðferðirnar eru liðhreyfingar/liðlosun, visceral og mjúkvefjameðferð, auk High Velocity Low Amplitude (HVLA) tækni (https://osteopathyeurope.org/general-information/).